Como xa vos anunciamos comezamos a ler o libro “Contos por palabras” e, aínda que vos pareza algo fácil, para nós é un reto moi grande pois non estamos afeitos a ler.
Lemos e estivemos debatendo sobre os dous primeiros contos que teñen en común que os protagonistas buscan parella.
No primeiro trátase dun home que era infeliz e que foi a un cerralleiro para preguntarlle se tiña a chave da porta da felicidade . Este dixo que si e que tamén lla comprara unha rapaza de pelo loiro e ollos azuis . O home púxose a buscar a todas as mulleres de ollos azuis e cabelo loiro e segue na súa procura.
No segundo texto o protagonista é un unicornio femia que se atopa cun home que ten un negocio de contactos matrimoniais. El quedou de buscarlle parella porque ademais ela non ten amigos e non sabemos como rematou.
Os contos parecéronnos moi fantásticos xa que é moi pouco probable que alguén atope a chave da felicidade ou un unicornio, mas serven para evadirnos un bocadiño e para facernos pensar.
Se queres participar sigue as intruccións da seguinte ligazón... [Abonarse]