O pasado xoves 16 de maio non puidemos celebrar de mellor forma o día das Letras Galegas no instituto. Non todo o mundo puido recibir a visita de Roberto Vidal Bolaño, o personaxe homenaxeado este ano, un día antes do 17.
O certo é que foi Serafín Marcos o encargado de repasar a vida e obra do dramaturgo ou, como el mesmo dixo ó final do espectáculo, de deixarlle o seu corpo a Vidal Bolaño para que se comunicase directamente con nós.
A simpatía de Serafín, quen non parou de facernos rir durante toda a actuación, xunto coa interesantísima personalidade e biografía de Roberto, fundíronse nunha mesma persoa.
De xeito entretido, coñecemos os inicios no mundo do espectáculo do autor, a súa loita por entrar na Escola de Cinema de Madrid (que pechou antes de que se cumprise o seu desexo), anécdotas da súa vida….
Non é o primeiro ano que Serafín visita o instituto e esperamos que non sexa o último !
Aquí queda o vídeo da súa representación:
Se queres participar sigue as intruccións da seguinte ligazón... [Abonarse]