Neste mes de novembro no noso centro celebramos o “Mes da Ciencia” e o faremos con distintas actividades, conferencias, exposicións e saídas didácticas.

Empezamos mañá martes 6 de novembro celebrando o “III Día da Ciencia e da Tecnoloxía en Galego” o alumnado de Física, Tecnoloxía e de Química de 2º de bacharelato asistirán a unha videoconferencia que ten o títuo: “Facendo Física de Partículas polo mundo” na que participarán máis de 90 centros, uns 6000 alumnos/as.

o  Patricia Conde. Investigadora no LIP de Lisboa. Física do experimento ATLAS do CERN.

o    Olalla Castro. Profesora no City University en Londres. Investiga en Teoría Cuántica de Campos.

o   Abraham Gallas. Investigador no CERN e na USC. Físico do experimento LHCb do CERN.

o   Carlos Salgado. Investigador no CERN e na USC. Investiga o estado da materia nos primeiros instantes do Universo..

o   Cibrán Santamarina. Profesor da USC. Traballa no experimento LHC do CERN.

Contido: Os experimentos do LHC no CERN levan máis de dous anos de toma de datos. Neste período producíronse resultados científicos de grande interese. A descuberta dunha resonancia que podería ser o bosón de Higgs, que foi noticia de primeira páxina en todos os informtivos do mundo, a pescuda de partículas supersimétricas, os resultados na busca do plasma de quarks e gluons, o estado da materia do universo primitivo, son só algúns dos fitos acadados.
Neste proxecto internacional traballan físicos galegos que colaboran con colegas de todo o mundo nun contexto multilingüe. Moitos deles utilizan o noso idioma para realizar parte do seu traballo, tanto no contexto informal de discusións entre eles, como para a realización de traballos científicos (teses e teses de mestrado) así como na docencia e a divulgación científica.
Nesta actividade reuniremos nunha videoconferencia a varios investigadores espallados polo mundo que participan nos experimentos do LHC e que nos contarán a súa experiencia científica e lingüística e as vantaxes que lles supuxo saber falar galego.

Os 5 relatores/as  tras unha breve presentación sobre o seu traballo, responderán algunhas das preguntas que o alumnado formule a través do chat habilitado na propia sala virtual ou podedes facerlles chegar as vosas preguntas nas contas de Twitter

@CGENDL; CASsalgado (Carlos Salgado) e @CibrnS (Cibrán Santamarina).

Hastag: #CERNgalego

Se queredes saber máis iniciativas desta III Xornada da Ciencia e da Tecnoloxía en Galego podedes visitar a páxina seguinte:

http://www.cienciaengalego.org/drupal6/

Nos próximos días seguiremos contando as novidades deste                “Mes da Ciencia” no IES Félix Muriel.