Concerto en Santiago: O século XX mira ao pasado

25 Xuño, 2012. Por: REDACCION

A mañá do dezaseis de marzo os alumnos de 3º e 4º da ESO, acudimos a un concerto da Real Filarmonía de Galicia no auditorio de Santiago de Compostela co título de O século XX mira ao pasado..

A orquestra estaba composta por varios instrumentos de corda coma violíns, violas, violoncellos, arpa…. E tamén outros instrumentos de vento como fagots, clarinetes, óboes…

A orquestra interpretou fragmentos de tres obras de compositores do século XX: “Gli ucelli” do italiano O. Respighi, “Le tombeau de Couperin” do francés M. Ravel e “Intres Boleses” do galego R.Groba. Entre obra e obra un presentador facía unha breve introdución sobre cada peza na que explicaba algo de historia e o ritmo.

Despois do concerto vimos unha exposición de fotografía de Alberto “Korda”. Durante a exposición vimos algunhas das fotografías máis famosas de Korda e unha guía íanos contando detalles das fotografías e da vida de dito fotógrafo.

A nós a excursión de música gustounos e pasámolo moi ben. Non nos gustou moito o lugar onde nos sentaron xa que non podiamos apreciar todos os músicos e ver ben o concerto; quizais iso sexa o máis negativo que poidamos dicir. A idea de ter un presentador para o concerto foi moi boa xa que nos gustaba moito o que facía e animaba moito o público, ademais, como el mesmo dixo fomos un público moi bo e portámonos moi ben durante todo o concerto.