Neste traballo imos analizar varios dos aspectos que fan que o galego se considere nalgúns casos coma “un idioma que non serve para nada”.

O ser humano é un ser social que convive con outros membros nunha sociedade. A sociedade humana existe porque as persoas que as conforman se relacionan entre si a través dun mesmo sistema de comunicación. Agora ben, non todos falamos a mesma lingua, pois os pobos somos diferentes.

O castelán preséntase coma a lingua prestixiosa, a da cidade e a das clases dominantes, dos usos formais e do futuro, do progreso, mentres que o galego chega a identificarse co mundo rural ou mariñeiro, os espazos non urbanos, os usos non formais e a tradición, o pasado.

-Que son os prexuízos?

Son xuízos de valor sen base suficiente emitidos sobre unha lingua ou sobre os falantes dela co propósito de provocar o seu rexeitamento.

Nas linguas minorizadas afectan ao autoconcepto individual e colectivo.

Vellos prexuízos: Galego =incultura = rural = atraso

Novos prexuízos:

Xerarquía ameazada

Prexuízos contra os neofalantes

Dúbidas sobre a competencia en galego

·Non hai prexuízos?

No Estado español continúan a se difundir prexuízos que no fondo pretenden o reforzamento do castelán e o debilitamento das outras linguas cooficiais: a maior validez do castelán para a vida moderna, a imposición nacionalista…

Aínda que parecen terse reducido algúns dos prexuízos sobre o galego, varios estudos recentes constatan unha presenza importante entre a xente nova.

Clasificación dos prexuízos respecto do galego:

1. Prexuízos relacionados coa suposta falta de utilidade

   O galego non xera riqueza

   O galego íllanos do exterior

2. Prexuízos que asocian o galego coa pobreza e co atraso

   O uso do galego vense asociando, de maneira redutora e simple, co mundo rural e, derivado diso, coa pobreza e a ingnorancia.

   O estudo do/en galego como perda de tempo e atraso

3. O uso do galego como sinal de descortesía ou mala educación

   O galego como desconsideración cara ás persoas descoñecidas

   Renuncia ao uso do galego por respecto ás persoas de fóra

4. Prexuízos relacionados coa imposición do galego

   “A imposición do galego no sistema educativo”

   “Como antes se impuxo o castelán, agora queren impoñer o galego”

   O rexeitamento social á normalización do galego

5. Incompetencia dos falantes galegos, caracterización negativa do galego

   O galego como lingua ruda ou fea

   O galego normativo como lingua artificial

   As persoas galegas non saben falar galego

6. O galego como marca ideolóxica

   A condición “estraña” das crianzas galegofalantes das cidades