A banda sen futuro, novela de Marilar Aleixanche, é unha novela que pertence ao ámbito literario e dentro deste ao xénero narrativo, nela cóntasenos a historia dunha rapaza de 16 anos, chamada Carlota, á que lle raparon o cabelo debido a un eccema. O narrador é interno, a historia está contada pola protagonista dos feitos e, polo tanto, trátase dunha narración en primeira persoa.

Os acontecementos xiran en torno a varios temas: Un deles é o disgusto de ter que mudarse a unha cidade, sen mar, debido a un ascenso no traballo de seu pai. Tamén o medo a encontrarse con compañeiros e profesores novos aos que non coñece onde non lle vai ser doado facer amigos ao levar o cabelo rapado ao cero a causa dun eccema. Por último, a falta de sensibilidade reflexada na forma en que a trata unha persoa do concello ao apartala para un lado e ao non a deixar saír nunha foto por levar gorro facéndoa sentir distinta aos demais.

Nesta novela tamén se dan temas relacionados cos profesores, cos compañeiros e cos anos.

No capítulo 1 e 2 preséntasenos o personaxe principal que é Carlota, unha rapaza de 16 anos que leva o cabelo rapado ao cero debido a un eccema o que lle supón desacougo, soidade, medo aos demais e temor aos espellos.

Ademais do personaxe principal hai personaxes secundarios como: a avoa, Mister Bean (o titor), Elvira (profesora de bioloxía), Gracia (profesora de debuxo), Miguel e Paulina (compañeiros de clase), etc. Un dos dos personaxes que cabe destacar é Moncho, un compañeiro de Carlota que tamén ten o cabelo rapado pero non por enfermidade senón por comodidade e que vai a chegar a saír con Carlota.

O espazo ou lugar onde se sitúan os feitos é unha cidade galega, sen mar, na novela non se di o seu nome.

 A época na que se desemvolven os feitos é a actual. Podemos falar dun tempo interno, é dicir, do tempo que duran os acontecementos narrados na historia, neste caso, os acontecementos duran desde o luns 21de setembro ata o martes 24 de novembro, é dicir, dous meses.

A introdución corresponde ao capítulo 1 e 2 xa que neles preséntasenos a protagonista e dise onde transcorren os feitos

O nó ou desenvolvemento abrangue dende o capitulo 3 ao 17 xa que é onde se recolle todo o núcleo central da historia, onde se nos contan os problemas que lle xorden a Carlota no instituto, as visitas ao hospital por culpa do tratamento, a enfermidade da súa avoa, o amor e desamor, etc…

O desenlace corresponde ao capítulo 18 onde se nos conta o final do pesadelo de Carlota e que xa pode deixar medrar o cabelo e como acaba saíndo con Moncho.

- Opinión persoal.

A min esta novela non me gustou moito pois os problemas que se lle plantean a Carlota son moi parecidos aos que e nos poden dar a calquera de nós, xa que todos tivemos algún que outro desacordo con algún profesor polas datas dos exames, profesores que fixeron que nos chegase a interesar a súa materia, etc. Para min o máis interesante e o que me fixo pensar é o que di Moncho sobre o futuro, que unha parte do que nos pase no futuro depende de nós, que ao mellor non conseguimos todo o que soñamos, pero que para conseguilo témolo que soñar primeiro. Outro dos temas a mencionar é que as veces estamos tan inmersos nos nosos problemas (como lle sucede a Carlota) que non lle prestamos demasiada atención ás persoas que nos rodean e estas si que poden telos moito máis gordos ca nós, pero non se queixan tanto nin reclaman tanta atención.