Terá lugar este fin de semana nos días 28 e 29 de xaneiro en augas francesas e eu e mais meu irmán imos participar!

Durante un ano máis o deporte dá oportunidades a xoves promesas no mundo do piragüismo, neste caso trátase dunha regata internacional de clubes en Pas-de-Calais (Francia) que compiten entre eles por ser o máis destacado a nivel mundial. Pero non só se intenta deslumbrar a nivel colectivo xa que numerosos palistas teñen como obxectivo ser dos máis valorados tanto na modalidade C-1 (canoa), como na modalidade K-1 (kaiak). Este é un acontecemento deportivo moi interesante xa que abre moitas portas a moitos piragüistas, trátase tamén dun proxecto turístico xa que numerosas persoas de todas as nacionalidades se acercan para contemplar esta competición deportiva.