O martes 13 de decembro o físico e Premio Nobel Sheldon Lee Glashow dará unha conferencia ás 20h no Novo Auditorio Novacaixagalicia en Santiago de Compostela co título: “Unha breve historia da física de partículas”, pola mañá terá unha reunión con investigadores da USC.
Sheldon Lee Glashow ,Premio Nobel de Física en 1979 por contribucións á teoría da interacción electromagnética e débil unificada entre partículas elementais, incluíndo, entre outras, a predición da corrente neutral débil.
Só catro tipos de forzas fundamentais son as que rexen o Universo: a gravitatoria, a electromagnética, a forza débil (responsable da radiactividade e dos procesos termonucleares que teñen lugar nas estrelas) e a forza forte (que mantén unidos a protóns e neutróns no núcleo do átomo). Se o Universo é un ente único, é natural concluir que as interaccións fundamentais que o gobernan deben ser, tamén, a expresión dun mecanismo que pode ser unificado.
Tras a primeira gran unificación da física realizada no século XIX por James Clerk Maxwell, quen demostrou que a electricidade e o magnetismo eran dúas caras dun mesmo fenómeno, Glashow foi quen deu o primeiro paso na dirección de unificar o resto das interaccións. En 1960 construíu un modelo teórico que mostraba que o electromagnetismo de Maxwell e a forza débil, caracterizada por Enrico Fermi, eran en realidade dúas manifestacións dunha única interacción unificada á que chamou electrodébil. Isto pese a que as dúas forzas presentan unha aparencia e intensidade moi distintas. A teoría de Glashow predí a existencia dunha partícula nova, o bosón Z, cuxo descubrimento no CERN, en 1973, constitúe un dos fitos da historia da física.
Se queres participar sigue as intruccións da seguinte ligazón... [Abonarse]