Poema Lois Pereiro Remorsos.

Remorsos

A néboa en Monforte fumadora de opio

é a nai de siluetas furtivas

e saúdo o perigo que brilla

na face escura dos teus soños

a verquer nas veas a bágoa fatal.

E triste non dorme no fondo dos ollos

medrando no reflexo eterno

dos corpos afogados profecías

cando baño a navalla destas artes

no sangue doutro drama que se acolle

no refuxio da túa arte máis lene

coma unha man esférica que acepta.

"Eu son un deus sensual"

e cando cae o sol

fustrigo á beleza do mesmo cabalo