Os sete bancos de sangue públicos que gardan unidades de sangue do cordón umbilical en España teñen almacenadas mais de 47 000 un 13% máis que o ano anterior.O ano pasado usáronse 343 para transplantes.

O sangue do cordón obtense no momento do parto,unha vez que o neno naceu e ca placenta aínda no interior da nai. Faise unha pequena punción para recoller o sangue e se todo é correcto almacénase para quen o precise no futuro.

Para que se utilizan estas doazóns? O sangue de cordón umbilical é moi rica en células nai que teñen unha grande capacidade para fabricar as células do sangue (glóbulos vermellos, glóbulos brancos e plaquetas)

Por este motivo serve para tratar enfermidades que teñen que ver con un funcionamento incorrecto da medula ósea ,un tecido fundamental para a vida que se encontra no interior dos ósos e nos que se producen as células sanguíneas e do sistema inmunitario.

-Tratamento para leucemias e tumores

O transplante de medula ósea utilízase para tratar a pacientes con leucemias ou tumores que requiren unha quimioterapia moi forte que lles deixa as defensas moi baixas .

Antes de que comezar a usarse a sangue do cordón umbilical 1988, a opción era un transplante de células nai obtidas da medula ósea ou da sangue periférica dun doante compatible e san a través dunha aférese.

A posibilidade de ter un irmán compatible é do 25%, dun familiar non irmán é dun 5%, e de alguén que non sexa familiar é de entre o 1/70.000 e 1/40.000. Por iso están os rexistros de doantes e os bancos de sangue do cordón umbilical para aumentar esta probabilidade.

En España, desde 2006, todas as unidades de sangue do cordón umbilical almacenadas en territorio nacional teñen que poñerse a disposición do rexistro REDMO para o seu uso altruísta nunha doazón. Por iso, os bancos privados que existen para uso propio almacenan as súas unidades no extranxeiro salvo que a familia diga o contrario.

• Requisitos para a doazón de sangue do cordón umbilical.

A doazón de sangue do cordón umbilical é un acto completamente altruísta e anónimo. Non se recibe nada a cambio. A muller debe de ser maior de idade e debe firmar unha autorización.

No parto ademais de extraerse o sangue do cordón umbilical que se recolle nunha bolsa similar a das doazóns normais extráense tamén dous tubos de sangue para descartar posibles enfermidades como o VIH ou a hepatite, a nai ten que contestar un cuestionario parecido ao que se cumprimenta cando se doa sangue para comprobar o seu estado de saúde.

As unidades almacénanse a 4ºC ata o seu traslado ao banco de sangue correspondente onde se fan todas as análises pertinentes e procésanse para a súa conservación en tanques de nitróxeno líquido a   -196ºC.