ADIVIÑAS

 

 

 

·        Unha señorita moi enseñoritada, chea de remendos sen unha puntada.

 

                                              (A galiña)

·        Anda e non ten pés; come, e non ten boca, e toda a comida lle parece pouca.

 

                                             (O muíño)

 

·        Unha cousa que coa súa risada perdeu a súa anada.

 

                                                      (O ourizo da castaña)

·        Estou pensando, pensando; de pensar vólvome tola. Coa sogra da muller de meu irmán, ¿que parentesco me toca?

 

                                                     (A miña nai)

·        Capullo sobre capullo, capullo do mesmo pano, senón que cho diga eu, non o acertas neste ano.

 

                                                            (A cebola)

 

·        Cucurico non ten ollos, cu nin bico, e os fillos de cucurico teñen ollos, cu e bico.

 

                                              (O ovo e o pitiño)