O SISTEMA PICTOGRÁFICO DE COMUNICACIÓN (SPC)
Un dos módulos do Ciclo Medio en Atención Sociosanitaria é o de “Comunicación alternativa”, cuxo obxectivo fundamental é o de desenvolver estratexias comunicativas eficaces con colectivos con dificultades específicas de comunicación, empregando os sistemas alternativos de comunicación (SSAAC) máis usuais para mellorar as relación sociais destes usuarios.
Un destes SSAAC é o SPC (Sistema Pictográfico de Comunicación); trátase dun sistema gráfico non vocal pensado para:
· Persoas con parálise cerebral sen posibilidade de fala intelixible
· Persoas con déficits motores graves e/ou asociado a xordeira, afasia, autismo, retardo mental…
· En xeral, persoas con dificultades comunicativas graves
O SPC é un conxunto de tarxetas (pictograma) coas que os usuarios poden estruturar o conxunto da súa comunicación; cada pictograma leva enriba escrita a palabra que representa, co que se facilita a identificación do mesmo. Ademáis o SPC ten un código de cores que facilita a estruturación das frases:
1. Amarelo: nomes de persoas (incluíndo os propios)
2. Verde: verbos
3. Azul: descriptivos (adxectivos)
4. Laranxa: nomes común
5. Rosa ou morado: Palabras de cortesía, sociais, de desculpa…
6. Branco: Miscelánea (artigos, preposicións, palabras abstractas…)
De cara a poñer en práctica os coñecementos adquiridos sobre o SPC, as alumnas de 2º curso de ciclo adaptaron catro contos infantís a este sistema: “Os tres porquiños”, “Os 7 cabritiños e o lobo”, “Carapuchiña vermella” e “Os Bolechas van á piscina”
As autoras destes contos son:
OS TRES PORQUIÑOS: Rosa Blanco, Miriam Brión, Susy Cabanas, Nerea Iglesias e Nicol Tejeda
OS 7 CABRITIÑOS E O LOBO: Patricia Barbeito, Noelia Pouso, Tamara Rodríguez e Iso Santamaría
CARAPUCHIÑA VERMELLA: Valeria Castro, Rebeca Rodríguez, Rocío Rodríguez e María Tembra
OS BOLECHAS VAN Á PISCINA: Raquel Alcalde, Paloma Laíño, Melissa Pena e Raquel Rial.
Deixámosvos en documentos anexos os 4 contos en formato .pdf
Se queres participar sigue as intruccións da seguinte ligazón... [Abonarse]