O pasado venres, 13 de febreiro, os alumnos de 1º da ESO do IES Félix Muriel, asistiron a un obradoiro de regueifas na aula de música.

         Os dous regueifeiros convidados (Pinto e Caruncho), amosaron un carácter xovial, resolto e desenfadado á hora de compoñer as coplas, algunhas das cales facían alusión ás cualidades físicas dalgúns rapaces e rapazas alí presentes.

         Explicaron cal era a procedencia da palabra “regueifa” a cal vén do árabe de “regaifa”.

         Estas cantigas levábanse a cabo antes, nas vodas galegas, sendo como premio un gran bolo de pan para o que máis aguantase.

Varios alumnos ata se animaron a expor as súas propias estrofas: Naomi Ferreirós, Jennifer González, Daniel Fernández, Pablo García…etc.

         Temos aquí algunhas composicións que nos achegou Daniel Fernández, de 1º B:

        

 

Eu coñezo a Rafael

que el che é moi, moi listo

pero ás veces cústalle

acender un simple misto

 

Eu coñezo a Rodrigo

que che era un bo chaval

metérono nunha prensa

e quedou bastante mal.

 

 

 

España está en crise,

o país está sufrindo,

Zapatero está mosca

coa lei de urbanismo.

 

 

Ese tipo malo é,

e vouno ter que matar,

pero como Xesucristo,

el vai a resucitar.

 

 

Pasaron todos unha boa e amena xornada.