O Castro de San Cibrao De Las é o máis grande de Galicia

O castro de San Cibrao de Las, situado no Carballiño, é agora o maior do país, despois de se  descubrir un segundo alxibe, ou depósito para recoller auga da chuvia, dun metro de profundidade, maior có que xa se coñecía.

Construído no século 1 A.C. a súa capacidade permite pensar que no castro podían vivir arredor de tres mil persoas. As súas grandes dimensións e o avanzado estado de romanización, permiten comparalo con Santa Tegra e cas Citanias do norte de Portugal.

A conselleira de cultura, Ánxela Bugallo, afirmou que o seu departamento quere facer do Castro “un referente do patrimonio cultural galego”. Cultura leva traballando nas escavacións dende o 2005. O espazo que se centra na cultura castrexa, será un dos cinco eixes da Rede Galega de Patrimonio Arqueolóxico.