Alejandra Picón Romero, alumna de 1º ESO B, foi a gañadora do certame SAN VALENTÍN 2009 convocado polo EDNL do IES. A gañadora presentou un poema de amor de corte intimista estructurado en cinco estrofas. Alejandra asina co seudónimo “A Gata Negra”.

Non se agocha tralas nubes do solpor.

Tralas nubes do amencer
agroma grande amor,
por antre os raios vermellos
dun sol madrugador.

Coma as estrelas no ceo,
arroladas polo vento,
penso, penso e penso,
en ti, cavilo e cavilo.

O teu sorriso é a lúa
do corno da tinta
negra da noite
que vexo trala fiestra.

Ai!, Oxalá puidera
abrazarche, bicarche,
verche ben, ben
cos meus ollos suplicantes!

Porque o meu amor
non desaparece,
non se agocha co sol,
tralas nubes do solpor.

Gata Negra